مشاهدة النسخة كاملة : تعلم بعض الكلمات مع قمر 25
المكتوم
06-16-2007, 08:24 PM
مساء الخير حبايبي
ان شاء الله هاللعبه انها تعجبكم وانا تمنيت هالشي هذا من زمان الحقيقه بس مو عارف اشلون اوصل
للشي اللي ابيه الا عن طريق اللعبه شسوي هههههههه
<<<< ذكي ما شاء الله
خمسه وخميسه عين الحسود فيها عوود ههههههه
المهم حبايبي
7
7
7
7
7
7
7
7
7
7
7
طبعا ما شاء الله منتدانا تقريبا جمع اعضاء من مختلف الدول العربيه وغيرها تقريبا
انا حبيت اقولكم على اللعبه هذي واللي هي نتعلم فيها لغات الدول الثانيه
يعني كل واحد مثلا اذا كان بالكويت يكتب كلمه كويتيه ويقول شنو معناها بأي دوله ثانيه او يسأل عن معناها
او شنو تنقال بالدوله الثانيه
يعني مثلا
كلمه ارمس بالامارات يعني تكلم بالكويت ــــــــــــــــ> ارمس = تكلم
ان شاء الله ان اللعبه تعجبكم واتمنى منكم المشاركه ولكم مني جزيل الشكر
طبعا انا احب اتعلم كلام الامارات الصرااحه كلام مب طبيعي ما شاء الله يجنن امووت عليه
وان شاء الله من خلال اللعبه اقدر اتعلم كثر ما اقدر مع باقي الاعضاء وان شاء الله محد يقصر مع الثاني
ودمتم بكل خير
خذاني الشوق
06-16-2007, 08:36 PM
المكتوٍِمـ
لعبه اكثر من جميلهـ
اللهـ يعطيكـ الف الف عآفيـهـ
ولي عوٍِده للموٍِضوٍِعـ
*_*
بنوتة الامارات
06-19-2007, 10:26 AM
هاااااي ثاانكس ع الموضووع الطرر ....
وانا يمعت لكم كلمات من الامارات وانشالله تعيبكم .....
زِخْ : امسِك
ارمِس : اتكلم
شِلْ : احمل
يِبت : أحضرت
تِهْزِب او تِهاد عليه : تعصب عليه
اشعَنه أو اشحَقه = ليش أو لماذا
حشْرَه =ازعاج
متْروس =مملوء
مَيْهود =مريض
هبّه =قوة
طْراق =صفعه
زريبه =حظيرة حيوانات
انهَيْ = اذهب - على صيغة فعل امر
يتْزَهَب =يتجهز أو يتحضر
ينْشِد =يسأل
مِلاّس =مغراف
مِداس =حذاء
أَتْوَلّم =أتجهز
غامضني = كاسر خاطري
ما دانيه = ما حبه
غاوي = حلو ( جميييييييييييل)
زوليِه = الفراش = الفَرْشْ
بوزْ = الشفايف
بَسِّجْ , بَسِّكْ = كفايه عليج/عليك
صِخْ أو لِمْ ثَمك = اسكت
هاتِه , ييبهْ = احضِره
مِخَيِّلِه = مستحيه
نُوَرّي الضو = نشعل الضوء
لرزيف: رقصه رجاليــّـــه ...
الردحــــه : رقصه مشهوره عند الحريـّــم ...
البذوار : الطير ( الصغير ) شوي اكبر عن الفرخ ...
الشرياص : الطير الصغير قبل لا ايغدي طير لكنه ايرووم ايطير ..
الصرود : السفره من الخوص ...
الخوص : سعف النخيل ..
الدعووون : هو جدار البيت المصنووع من الخوص اليابس والمترابط بحبل
البارجيل: مكيف الخمسينات ابراج مرتفعه من اللبن يدخل الهوا البارد لها ...
الجازول : اخر الخطام ( اخر الحبل ) ...
الشداد : ما يوظع ع الرجاب كي تجلس عليه وتسيطر به ع الرجاب ..
السردال :امير مراكب الغوص ....
الجيون : اللولو ..
التبر :الذهب ...
الخرج: جيب من السدو...
الحنّــه :الحنطه ......
اليعده :دوا ...
الفلاس : جرار يحطون به ويحفظون به التمر ...
الخرس: وعاء مخرووطي قاعدته مستديره والقاعده لاعلى لحفظ الماء بارد ..
الزل : السجاد ....
الغلس : انسان مايعرف الاتيكيت ف الكلام ....
الزربو: جوارب ... دلاغ ...
الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو ...
البيالــه : فنجان الشاي ... ( استكانه ) ..
الخوّاره : الناقه اللي خارت قواها امررره ..
اليفول : الناقه لي ترتعب من اي شي ...
عونك : بمعنى لبيه او ياك العون ...
الاملح : الاسود ....
مملوح : وسيم ..
اليفره او الجفره: الحفره ..
نهي : بمعنى ذهب اي سار
هيد: ..توقف او تريث
زويه : تطلق على الحَمّام قديما
طنب : القطعة التي تصل ما بين زوايا الخيمه
العرقوب : المرتفع من الأرض
غدف : خلف او بعد الشيء
السولعي : ذات الرقبه الطويله
الحر: نوع من انواع الصقور
الدقل : عمود الساريه للسفينه
الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا
السقا والثبر :... اي المد والجزر
يونيه : تطلق على الخيشة
الظو : يطلق على النار
السبلة : تطلق على الحجرة
المنز : تطلق على مهد الطفل
البيدار : تطلق على اللي يشرف على المزرعه
يواقع : معناتها اللي يعصب او يصارخ على غيره
يزقر : معناتها ينادي
طـــــريت : ( ذكــرت أو قلــت ) ..
غبـــــنه : ( غـــــصه ) ..
حشــــى عليه : ... ( للانكـــار ) ..
صـــــوحي : ( ســــــري ) ...
يبــــوح : ( يفشي).....
ســـــرى : ( رحــــل ) .....
ضــــوى : ( رجــــع)
قيـــــلت : ( اليلـسه في مكان معين لين فتره الظهر)...
المبيـــت : ( ييلس الشخص في مكان معين لعده ايام).....
عــزرت : ( اجبرت) ....
يواجع : معناتها اللي يعصب او يصارخ على غيره
غثيتنـــــا : ( أذيتنـــــــا ) ....
الغشيـــــم : ( اللي ما يعرف شي ) ....
انعتنـــــي : ( دلنـــــي ) ...
ســـرينــا : ( روحنـــــا ) ...
جــــدى : ( صــــوب ) ...
هووود : عند الدخووول الى أي مكان ...
يا لقعتيه : ( يا مصيبتيه)
يا عثرتيـه : ( يا مصيبتيه)
انقفض : ( استعيل)
خــاري : ( برع )
صدعه : (حشره أو ازعاج)
السيح : المكان الواااسع المترامي الاطراف
هذربان : كلاام ورمسة مستمرة
هــــــــزرك : ( ظنـــــــك )
طبـــــــزني : ( ضــــربني )
هدمنيه: ( رقدنيه)يرقا>> يصعدارقب>> انتظر
الخاشوقه >> الملعقة
اقلط أو اقرب>> اتفضل
الدرواز>> الباب
الدوبي>> هو المكان اللي يكوون فيه الملابس ويغسلونهن
الزويه>> الحمام
شرات>> مثـل
الموايه التخاشم>> يعني الموايه بالخشوم
البلية>> البلوى وابتلـى
السحنا والجاشع>> هو السمج المجفف
القرقور>> شبك لصيد السمج
شاطوحه>> سرير الياهل
الشبريه أو كرفايه>> السرير
مسيد>> مسجد
هيه نعم >>( إيه)
بسير>> بروح
سيكل>> دراجة هوائية
غرشه>> زجاجه
ملهيه>> المصاصة مال الأطفال
اليهال>> الأطفال
هلكت>> تعبت
حوي >>الحديقة مال البيت
جبه>> كره
طاسه>> صحن
ارمس>> أتكلم ( تحدث)
ازغده>> اخنقه
دروازه>> الباب مال الحوش
بظهر>> بطلع
ربيعي>> صديقي
دقل>> هو اكبر خشبة شراع وصاري السفينة
ضروس الخيل>> ها نوع من أنواع المكسرات
الكنديشن>> المكيف
الغوازي>> البيزات أو الفلوس
الجولة>> الطباخة
تفق>> مسدس
الجش>> نوع من أنواع السمج
الحيول>> هي الأساور اتكون من ذهب أو فضة وتضعها المرآة للزينة (الحجل)
المحمل>> السفينة
النّـو>> هي الغيمة المحمله بالمطر
حجره>> غرفة
دختر>> الدكتور
الحينه>> الآن
غوازي>> النقود
عكس>> صور و يقال فلان يشتغل عكاس>> أي مصورا
الغبشة>>هو موعد قبل صلاة الفجر، أو في الصباح الباكر قبل الساعة الثامنة.
كرخانه>> آلة الخياطة.
السبيتان>> المستشفى أو المستوصف .
ديوانيه>> مجلس الرجال.
قفا>> ورا .
درب>> طريق.
ازقر>> نادي.( ازقري اخوج )) >> نادي اخوج .
ملاس >>مغرف الأكل.
قفشه>> ملعقة.
هيد>> اصبر
النقا>> الرمل النظيف الأبيض.
اتهيس>> يعني يود أو ألمس
راديو>> مسجل
سنطور>> الساعة ( المنبه)
غلاس>> كأس
تاوه>> المقلايه
دريشه>> النافذة
كواشي أو شغاب>> حلق الأذن
باجر>> باكر
غجه>> الشخص الغبي
غاوية>> جميلة أو حلوة
جدر>> قدر الطعام
سماط>> السفرة
بنكه>> المروحة
موتر>> سيارة
أشعنا أو وشوله>> لماذا
خلاف>> بعدين
يهذرب>> كثير الكلام
أوقاية>> غطاء الرأس (تضعه المرأه على رأسها)
كجره>> القمامة
برنوس>> البطانية
محرج >> غاضب
سنطره >> برتقاله صغيره
( عطيني مقفاج) >>ذلفي روحي عني
جرب عندنا أو حدر>> تفضل عندنا .
يوزي عن هذا الشي>> وتعني اتركي هذا الشي .
الخيزرانه>> العصا .
المجبه>> وعاء يوضع فيه الأكل.
صينية>> صحن كبير يوضع عليه الطعام.
روّان>> لعاب الطفل الذي يخرج من فمه في بداية كلامه..
الظاحيه - الساف >> تعني العزبة و هي المزرعة التي يتواجد فيها المواشي والزرع..
الشيمة >> تقال كلمة الشيمه و هي نوع من الترجاء و التضرع و التلطف بأي شخص فيقول" الشيمه سلفني كمن بيزه" أي ساعدني و اعطني مالاً..
و النعم >> و تقال الكلمة لرجل وهي من المديح لما بدى منه من شهامة و سيرة حميدة بالأخلاق .. مثال" و النعم بمحمد بن زايد و ألف نعم و الله .. فيكون الجواب الله ينعم عليك.
استريح >> تقال لأي شخص تريد منه أن يجلس أو يستريح.. و يأخذ قسطاً من الراحة. و إذا أراد أن يجلس أو لا يقول: عودك الريح أو الله يريحك.
خف يديك >> أسرعي بالعمل الذي بين يديك حتى تنجزه بسرعة و تحقق ما تريد و تقال لمن يجدف بالقارب و المقصود بها الأعمال اليدوية.
علك ويعه>> نوع من الشتيمة و المسبة و هي نوع من الألم و يقصد بها ولمن وجهت له أن يصاب بجسمه و بطنه. مثالويعه تويعك انشالله"...
عثرة>> نوع من الشتيمة ودعوة بطلب التعثر لشخص في جميع عمله.. مثال" عثرة تشلج ما بعدها تقومين" و المعنى شي يمرضج و بعد هالمرض ما تقومين أبدا..
دقك ويد >>وهي دعوة مسبة و شتيمة بأن يصيبك مصيبة تحطمك و تقضي عليك.
دقك الحزن>> وهي نوع من الشتيمة و المسبة و الدعوة بأن يصيب الذي توجه له بالحزن و يصاب بمصيبه حزن.
أنت خقاق>> تعني بأن شخصٍ ما يتفاخر بأشياء لا تنتمي له و لا هي تخصه و أنما هو يتفاخر بها و هو كاذب و يقول خقاق.
جيه صح >> جذي صح
غلس>> ثقيل دم
ولي رده في الموضوع انشالله.......
خذاني الشوق
06-19-2007, 07:15 PM
بنوتة الامارات
تقرٍِيرٍِ كآمل مآشآء اللهـ
صرٍِآحه خوٍِش تقريرٍِ
^_^
بنوتة الامارات
06-19-2007, 08:31 PM
مشكووور خذاني الشوق وما تقصر ...........
المكتوم
06-19-2007, 08:51 PM
الله يعطيج العافيه بنوووته الامااراات
على الكلمات اللي كتبتيها
ان شاءا لله الكل يستفيد من هالكلمات وبالذاات انا
الحين الله يعيني الصراحه يبيلي شهر اقعد احفظ فيهم هههه
الحين احفظ الادويه التقارير الطبيه اللي عندي والا احفظ الكلمات هذي
ان شاء الله اني اقدر احفظها كلها
الله يعطيج العافيه مره ثانيه
المكتوم
06-19-2007, 09:03 PM
في جم كلمه بس مادري اذا صح والا لأ
اتمنى اذا كانت خطأ تعدلين الكلمات
اترياك = انتظرك / انطرك
ما يستوي = ما يصير
شو تبا = شنو تبي / باللغه العربيه ماذا تريد
وسلامتكم
بنوتة الامارات
06-20-2007, 11:01 AM
المكتوم الكلمات اللي طرحتهن كلهن صح.......
ويلا عااد احفظهن زين ما زين .....
عسب يوم نحن نرمس تفهمون علينا ........
المكتوم
06-20-2007, 07:10 PM
ان شاء الله
اني اقدر احفظ الكلمات بس يبغيلهم وقت
وبعدين انا احب كلام الاماااراات وااايد
وشكرا على اشرافك على الكلمات
<<<< مستانس لانك انتي ما ذكرتي هالكلمات الي كتبها
ويبى يتشطر عليج ههههههه
تسلمين بنووووته الاماااراات والله يطول بعمرك
واسعديني الحقيقه مروورك الرائع
ودمتي بكل ود
a7la.7oria
06-21-2007, 08:03 AM
مشكوره على الموضوع النايس
انا باجر بكلمج بالموبايل مو ماتردين :p
ميرسوووووووووووووو على الموضوع النايس
المكتوم
06-21-2007, 11:53 AM
يسلمووووو ع المرور احلى حوريه
يؤ يؤ يؤ يؤ يؤ يؤ يؤ يؤ يؤ يؤ يؤ يؤ
تتصلين على منووووو ؟!
وردة الروح
06-22-2007, 12:25 AM
@@
ف7
ميغسي بوكو = شكرا جزيلا ههههههههه
يسلمووو مكتوم عاللعبه الناايس =)
:ورده1:
المكتوم
06-22-2007, 10:36 PM
هلا والله ورووده
يسلمووووو ع المرووور
وعاش من شافج
وردة الروح
06-22-2007, 11:08 PM
هلا والله...
عاشت اياامك... :ورده1:
عزيزي الزآئـر : المنتدى ليس بعدد اعضائه بل بترابط اعضائه كالأسره الواحد